The Legend of Maula Jatt 2022 مولا جٹ فلم
پاکستان کی تاریخ میں سب سے زیادہ زیر نمائش فلم کا اعزاز حاصل کرنے والی۱۹۷۹ کی پنجابی فلم مولا جٹ رہی یہ وہ فلم ہے جسے پاکستان کی تمام سے زیادہ دیکھنے والی فلموں میں سب سے اوپر کا مقام حاصل ہے، یہ وہ مووی تھی کہ جس نے پورے پاکستان میں بیک وقت مسلسل ۱۳۰ ہفتے مکمل کئے، اور مجموعی اعداد و شمار کے مطابق ۳۱۰ ہفتوں تک اسے دیکھا گیا، اگر اس کو کچھ سینز کی وجہ سے بین نہ کیا جاتا تو یہ ہندوستان کی فلم شعلے کا ریکارڈ توڑنے میں کامیاب ہوجاتی، شعلے جس نے مسلسل ۵ سال تک چلتے رہنے کا اعزاز اپنے نام کیا تھا، لالی ووڈ کی تاریخ ساز فلم مولا جٹ جس کی ۹ فروری ۱۹۷۹کو نمائش کی گئی، یوں تو مولا جٹ بھی ۱۹۷۵ میں آئی پنجابی فلم وحشی جٹ کا ری میک تھی، جس میں وحشی جٹ کا کردار بھی سلطان راہی نے ہی ادا کیا، مولا جٹ فلم کی مرکزی کاسٹ میں سلطان راہی، آسیہ اور مصطفی قریشی نمایاں تھے، ان ہی کی ا...